دل بعض و حسد سے رنجور نہ کر
یہ نور خدا ہے اس سے بے نور نہ کر
لندن(کشیر رپورٹ)برطانیہ کے نئے وزیر اعظم کے لئے کنزرویٹیو پارٹی میں بورس جانسن، رشی سنک اور پینی مورڈانٹ کو امیدوار کے طور پر دیکھا جا رہا ہے۔ برطانیہ کی وزیر اعظم لز ٹرس کے مستعفی ہونے کے بعد کنزرویٹو پارٹی کے نئے سربراہ کے انتخاب کے لئے نامزدگی کا عمل باضابطہ طورپر شروع ہو گیا ہے ، کنزر ویٹیو پارٹی کے نئے سربراہ برطانیہ کے نئے وزیر اعظم کے طور پر ذمہ داریاں سنبھالیں گے۔ کنزرویٹو پارٹی کی الیکشن کمیٹی کے چیئرمین گراہم بریڈی نے کہا ہے کہ پیر کو دوپہر دو بجے تک کاغذات نامزدگی جمع کرائے جاسکتے ہیں اور نئے وزیر اعظم کے لئے آخری امیدواروں کے درمیان مقابلہ ہو گا۔جب تک کسی ایک امیدوار کے نام پر اتفاق رائے نہیں ہو جاتا، آخری دو امیدواروں کو آن لائن ووٹنگ کے عمل کے لیے تیار رکھا جائے گا۔ بریڈی نے ہائوس آف کامنز میں 357 کنزرویٹو ایم پیز کو دیکھتے ہوئے تین ممکنہ امیدواروں کی توقع ظاہر کی ہے۔ پارٹی کے صدر جیک بیری نے کہا، یہ ارکان پارلیمنٹ پر منحصر ہے کہ ہمارے پاس ایک امیدوار ہوگا یا دو۔ اگر دو امیدوار ہوں تو ہمارے ممبران اپنے خیالات پیش کر سکتے ہیں۔اگر پیر کی دوپہر 2 بجے تک صرف ایک امیدوار کاغذات نامزدگی داخل کرتا ہے تو پارٹی کو اسی دن کی شام تک نیا لیڈر مل جائے گا۔ دو حتمی امیدواروں کے درمیان مقابلہ ہوا تو امکان ہے کہ نئے وزیر اعظم کی تشکیل اگلے جمعہ تک ہو جائے گی۔