دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد( کشیر رپورٹ) سابق وزیراعظم آزادکشمیر راجہ محمد فاروق حیدر خان نے کہا ہے کہ برادری کی سیاست کرتا تو لوکل کونسل کا ممبر بھی نہیں بن سکتا تھا آزادکشمیر کے اندر سیاسی کے بجاے عوامی ضروریات کو مدنظر رکھتے ہوئے حکومت کا تصور 2016 21 تک دیا جس کی مثال بدترین سیاسی مخالفین بھی دیتے ہیں سابق وزیراعظم اپنے حلقہ انتخاب سے تعلق رکھنے والے افراد کی جانب سے منعقدہ استقبالیہ سے خطاب کررہے تھے اس موقع پر چکار اپر بڈیالہ پیپلزپارٹی اور تحریک انصاف کے اہم راہنمائوں چوہدری ظفر اقبال، چوہدری حاجی محمد یعقوب، چوہدری ماسٹر منظور چوہدری انور ،خادم حسین کیانی چوہدری مختار اپنے جملہ برداری و عزیز واقارب سمیت راجہ محمد فاروق حیدر کے قافلے مسلم لیگ نواز میں شامل اور اعتماد کا اظہار کیا راجہ محمد فاروق حیدر خان نے کہا ہے برادریاں اور قبیلے پہچان کے لیے ہیں رب کے نزدیک وہی اچھا ہے جو عوام کے لیے بہترین ہے میں نے وزیراعظم بن کر حلقہ نہیں بلکہ سارے آزادکشمیر کو اپنا حلقہ سمجھا اور اس دور میں آزادکشمیر کے اندر تمام مرکزی شاہرات کی تعمیر ہوئی حلقہ کے اندر عوامی ضرورت کو مد نظر رکھ کر منصوبہ جات دیے آزادکشمیر میں سیاست کرنے کے لیے پیسے اور برادری ضروری قرار دء جاتی ہے مگر میرٹ اصول پر کام کیا جائے تو رب کی ذات عزت دیتی ہے میں آزادکشمیر بھر کے لوگوں کے کاموں کے لیے آج بھی سیکرٹریٹ جاتا ہوں مجھے کوئی عار نہیں آزادکشمیر کے لوگوں کی خدمت کی ہے اس پر رب کا شکر گزار ہوں ختم نبوت کے قانون کے صدقے یقین ہے کہ مجھے اور میرے ساتھیوں کی آخرت میں نجات کا ذریعہ بنے گا سابق وزیراعظم نے مسلم لیگ ن میں شامل ہونے والوں کو مبارکباد پیش کرتے ہوئے کہا کہ آپ کی عزت نفس پر کوئی سمجھوتہ نہیں کریں گے علاقے میں سڑک،سکول ڈسپنسری سمیت دیگر مسائل بھی حل کیے جائیںگے۔