دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد( کشیر رپورٹ)اطلاعات کے مطابق آج، جمعہ کو آزاد کشمیر قانون ساز اسمبلی کے اجلاس میں نئے وزیراعظم کا انتخاب متوقع ہے اوراس سے پہلے نئے وزیراعظم کے انتخاب کا شیڈول جاری ہونے کا امکان ہے۔' پی ٹی آئی ' کے صدر تنویرالیاس کی توہین عدالت کے جرم میں عدالت سے سزا اور وزارعظمی سے ہٹائے جانے کے بعد نئے وزیراعظم کے لئے پاکستان پیپلزپارٹی اور تحریک انصاف کے درمیان مقابلہ ہوگا۔ وزیر اعظم بننے کے لئے سادہ اکثریت یعنی کم ازکم 27ارکان اسمبلی کی حمایت ضروری ہے۔اطلاعات کے مطابق آزاد کشمیر کی حکمران جماعت ' پی ٹی آئی' تین دھڑوں میں تقسیم ہے۔ لاہور میں عمران خان کی سربراہی میں ہونے والے اجلاس میں ' پی ٹی آئی ' کے صرف 12ارکان شریک ہوئے۔ یہ بھی اطلاع ہے کہ عمران خان کی طرف سے پی ٹی آئی آزاد کشمیر فاروڈ بلاک کے ممبران اسمبلی کو منانے کے لئے ہر طرح کی کوششیں کی گئیںاورہر طرف رابطے کئے گئے لیکن انہیں ناکامی سے دوچار ہونا پڑا ہے۔