دل بعض و حسد سے رنجور نہ کر
یہ نور خدا ہے اس سے بے نور نہ کر
نئی دہلی ( کشیر رپورٹ) انڈیا کی نیشنل انوسٹی گیشن ایجنسیNIA کی طرف سے نئی دہلی ہائیکورٹ کے ڈویژن بنچ میں معروف کشمیری حریت رہنما یاسین ملک کو سزائے موت دینے کی درخواست پہ پیر کو سماعت ہوئی جس میں ' این آئی اے' کے وکیل تشار مہتا نے یاسین ملک کے لئے سزائے موت کا مطالبہ کرتے ہوئے کہا کہ 57سالہ یاسین ملک کو موت کی سزادینا ضروری ہے۔ ' این آئی اے' کی درخواست پہ مقدمے کی سماعت میں عدالت نے مقدمے میں یاسین ملک کے نام نوٹس جاری کرتے ہوئے مقدمے کی اگلی سماعت پہ عدالت میں پیش کرنے کا حکم دیا۔بھارتی حکومت نے یاسین ملک سمیت کئی کشمیری حریت پسند رہنمائوں کو نئی دہلی کی تہاڑ جیل میں قید رکھا ہوا ہے۔