دل بعض و حسد سے رنجور نہ کر
یہ نور خدا ہے اس سے بے نور نہ کر
نئی دہلی (کشیر رپورٹ) وزیر اعظم نریندر مودی کی سربراہی میں بھارت کی ' بی جے پی ' حکومت نے پارلیمنٹ کی نئی عمارت میں ' اکھنڈ بھارت' کا نقشہ لگایا ہے جو اس حکومت کے توسیع پسندانہ عزائم کو بے نقاب کرتے ہوئے یہ بھی ظاہر کرتا ہے کہ بھارتی حکومت اپنے ہمسایہ ملکوں کے خلاف سنگین نوعیت کی سازشوں میں مصروف ہے۔بھارتی حکومت کا کہنا ہے کہ پارلیمنٹ کے اندر اکھنڈ بھارت کا نقشہ بھارت کی طاقت اور اس کے اہداف کو ظاہر کرتا ہے۔بھارتی وزارت خارجہ نے کہا ہے کہ پارلیمنٹ میں بنایا گیا آرٹ ورک اشوک کے دور سلطنت کی حدود کو ظاہر کرتا ہے۔وزیر اعظم مودی نے28 مئی کو ہندو پجاریوں کے ساتھ پارلیمنٹ کی نئی عمارت کا افتتاح کیا اور وزیر اعظم مودی نے برطانوی حکومت کے عطا کر دہ سنہری ڈنڈے کو سجدہ کر نے کے بعد سنہری ڈنڈا اٹھا کرہندوپجاریوں کے ساتھ پارلیمنٹ کی عمارت کے ہال میں داخل ہوئے اور وہاں سپیکر کی نشست کے ساتھ وہ ڈنڈہ نصب کیا۔