دل بعض و حسد سے رنجور نہ کر
یہ نور خدا ہے اس سے بے نور نہ کر
مظفر آباد (کشیر رپورٹ۔پی آئی ڈی)9فروری2024۔ الیکشن کمیشن کے بار بار انتباہ اور کئی بار مہلت دیئے جانے کے باوجود آزاد کشمیر کی سیاسی جماعتوں نے رجسٹریشن کے لئے دستاویزات جمع نہیں کرائیں، جن سیاسی جماعتوں نے دستاویزات جمع کرائی ہیں وہ بھی نامکمل اور تحت ضابطہ درست نہیں ہیں۔ تفصیلات کے مطابق ترجمان آزادجموں وکشمیر الیکشن کمیشن کی جانب سے جاری کردہ پریس ریلیز میں کہا گیا ہے کہ الیکشن کمیشن کی جانب سے جاری ہونے والے حکم کے مطابق فیصلہ عدالت العالیہ محرہ 05.10.2023 بعنوان وحید اشرف بنام الیکشن کمیشن وغیرہ کی روشنی میں الیکشن کمیشن کی طرف سے سیاسی جماعت ہا کی رجسٹریشن کو مطابق ضابطہ بنانے کے لیے قائم کمیٹی کے پاس جمع کی گئی دستاویزات کی نسبت ابتدائی رپورٹ کے ملاحظہ کے بعد چیف الیکشن کمشنر آزاد جموں و کشمیر نے بذیل احکام جاری کرنے اور اس کیاشاعت پرنٹ و الیکٹرانک میڈیا میں کرنے کی منظوری صادر فرمائی ہے۔