دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر( کشیر رپورٹ)مقبوضہ کشمیر اسمبلی الیکشن کے حوالے سے نیشنل کانفرنس نے اپنا انتخابی منشور جاری کرتے ہوئے کہا ہے کہ ان کی پارٹی جموں و کشمیر کی سیاسی اور قانونی حیثیت کی بحالی کے لیے لڑے گی،تمام سیاسی قیدیوں کی رہائی کا وعدہ کرتے ہیں ۔ نیشنل کانفرنس کے صدر عمر عبداللہ نے پارٹی منشور بیان کرتے ہوئے کہا کہ اگر ان کی پارٹی کو ووٹ دیا جاتا ہے تو 200یونٹ مفت بجلی دینے کا وعدہ کرتے ہیں اور اور لوگوں کو راشن ڈپو سے چینی اور مٹی کا تیل حاصل کرنے کو یقینی بنایا جائے گا۔انہوں نے کہا کہ پارٹی لوگوں کے حقوق کے لیے درست ہوگی اور سپریم کورٹ کو حکومت ہند کے جموں و کشمیر کو ریاست کا درجہ بحال کرنے کے وعدے کے بارے میں یاد دلائے گی۔ اگر گورنمنٹ اس میں تاخیر کرتا ہے، تو ہم سپریم کورٹ سے رجوع کریں گے اور اسے مرکز کے وعدے کے بارے میں یاد دلائیں گے، انہوں نے کہا۔نہوں نے کہا کہ ہم تمام سیاسی قیدیوں کی رہائی کا وعدہ کرتے ہیں جو گھنائونے جرائم میں ملوث نہیں ہیں۔سوال کے جواب میں عمر نے کہا کہ یہ بدقسمتی کی بات ہے کہ جماعت اسلامی کھل کر الیکشن نہیں لڑے گی۔ عمر عبداللہ نے کہا کہ امید ہے کہ جموں و کشمیر کے لوگ اگلے پانچ سالوں تک نیشنل کانفرنس کو خدمت کا موقع دیں گے۔