دل بعض و حسد سے رنجور نہ کر
یہ نور خدا ہے اس سے بے نور نہ کر
سرینگر( کشیر رپورٹ) مقبوضہ جموں و کشمیر کے تین مختلف مقامات پہ بھارت فوج اور کشمیری آزادی پسند وں کے درمیان جھڑپیں ہوئی ہیں جو آخری اطلاعات آنے تک جاری رہیں۔یہ جھڑپیں مقبوضہ کشمیر کے ضلع کپواڑہ کے علاقوں ٹنگڈھر اور مژھل سیکٹر میں اور ضلع راجوری کے ایک گائوں میں ہونے کی اطلاعات ہیں۔ تفصیلات کے مطابق خلع کپواڑہ کے ٹنگدھر اور مژھل سیکٹر میں دو الگ واقعات میں بھارتی فوج اور کشمیری آزادی پسندوں کے درمیان شدید فائرنگ کے واقعات پیش آئے۔بھارتی فوج نے میڈیا کو بتایا کہ مژھل سیکٹر کے کمکاری علاقے میں پر فوج کی 57 راشٹریہ رائفلز اور 53 انفنٹری بریگیڈ نے مشترکہ طور پر آپریشن شروع کیا۔رات پونے آٹھ بجے شدید تصادم شروع ہوا۔ گذشتہ رات سے ٹنگدھر اور مژھل سیکٹر میں تصادم آرائی جاری ہے۔ مژھل سیکٹر میں جاری انکاونٹر میں ایک آزادی پسند کے شہید ہونے کی خبر ہے۔شمالی کشمیر کے کپواڑہ ضلع کے ٹنگدھر اور کمکاری علاقوں میں ایک ساتھ دو انکاونٹر جاری ہیں۔ پہلا تصادم لائن آف کنٹرول (ایل او سی) کے ساتھ ٹنگدھر سیکٹر میں شروع ہوا جو تاحال جاری ہے۔