دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد ( کشیر رپورٹ) حکومت پاکستان کی طرف سے پاکستان کے مختلف شہروں میں واقع کشمیر سٹیٹ پراپرٹی کو '' کشمیریوں کے مفاد ''کے نام پر فروخت کرنے کی کاروائی کی کشمیری حلقوں میں مخالفت کی جا رہی ہے اور وفاقی حکومت کے اس اقدام کو کشمیرکاز اورپاکستان کے وسیع تر مفاد کے منافی قرار دیا جار ہاہے ۔ دوسری طرف آزاد کشمیر حکومت اس معاملے پہ خاموش تماشائی بنی ہوئی ہے جبکہ کشمیریوں کے حقوق اور مفادات کا تحفظ حکومت پاکستان کے علاوہ آزاد کشمیر حکومت کی بھی ذمہ داری ہے۔آزاد کشمیر حکومت کے ایک وزیر نے وزیر اعظم پاکستان کے نام اپنے خط میں کہا ہے کہ کشمیر سٹیٹ پراپرٹی کو فروخت کرنے کے حوالے سے قائم کردہ وفاقی کمیٹی میں آزاد کشمیر اسمبلی کے کسی مہاجر رکن کو بھی شامل کیا جائے۔ یوں آزاد کشمیر کے مذکورہ وزیر کشمیر سٹیٹ پراپرٹی کو فروخت کرنے کی اس کاروائی کی مخالفت کرنے کے بجائے اس میں اپنا حصہ دیئے جانے کی بات کر رہے ہیں۔ مسلم لیگ ن آزاد کشمیر کے صدر شاہ غلام قادر اور آزاد کشمیر کے سابق وزیر اعظم راجہ فاروق حیدر خان نے کشمیر سٹیٹ پراپرٹی کو فروخت کرنے کی کاروائی کی مخالفت کی ہے اور کہا ہے کہ اس معاملے پہ وہ پاکستان میں اعلی سطحی رابطے کریں گے۔