دل بعض و حسد سے رنجور نہ کر
یہ نور خدا ہے اس سے بے نور نہ کر
اسلام آباد ( کشیر رپورٹ) حکومت پاکستان نے کشمیر سٹیٹ پراپرٹی کو فروخت کرنے کی کاروائی روک دی ہے اور اس سلسلے میں وزیر اعظم پاکستان کی طرف سے قائم کردہ سات رکنی اعلی سطحی کو بھی ختم کر دیا گیا ہے۔وفاقی وزارت امور کشمیر و گلگت بلتستان کی طرف سے آج، مورخہ11ستمبر2024کو جاری Cancelation Noticeکے مطابق وزیر اعظم پاکستان کی طرف سے کشمیر سٹیٹ پراپرٹی کی فروخت سے متعلق قائم کر دہ اعلی سطحی سات رکنی کمیٹی کا اجلاس، جو12ستمبر کو منعقد ہونا تھا، منسوخ کر دیا گیا ہے۔وفاقی وزارت امور کشمیر و گلگت بلتستان کی طرف سے11ستمبر کو ہی جاری ہونے والے نوٹیفیکیشن کے مطابق کشمیر سٹیٹ پراپرٹی کی فروخت سے متعلق وزیر اعظم پاکستان کی طرف سے قائم کردہ سات رکنی اعلی سطحی کمیٹی کو بھی ختم کر دیا گیا ہے۔یہ نوٹیفیکیشن گزٹ آف پاکستان میں بھی شائع کیا گیا ہے۔