دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد (پی آئی ڈی) یکم اکتوبر 2024۔ آزادجموں و کشمیر قانون ساز اسمبلی کے سپیکر چوہدری لطیف اکبر سے کشمیر کونسل ای یو کے چیرمین علی رضا سید نے ملاقات کی ۔اس موقع پر سپیکر قانون ساز اسمبلی چوہدری لطیف اکبر نے کہا کہ اوورسیز کشمیری مسئلہ کشمیر کو دنیا بھر میں اجاگر کرنے کے سلسلے میں اہم کردار ادا کر رہے ہیں ۔انہوں نے علی رضا سید کی طرف سے مسئلہ کشمیر کو سفارتی سطح پر اجاگر کرنے پر ان کی تعریف کی اور کہا کہ اوورسیز کشمیری عالمی برادری کو مقبوضہ کشمیر میں بھارتی جبر و استبداد اور انسانی حقوق کی سنگین خلاف ورزیوں سے آگاہ کر کے حمایت حاصل کرنے میں کلیدی کردار ادا کر رہے ہیں۔ بالخصوص برسلز جو کی یورپین یونین کا ہیڈ کوارٹر ہے وہاں علی رضا سید جیسے قائدین کء ضرورت ہے جو اپنا سب کچھ تحریک آزادی کے لئے وقف کئے ہوئے ہیں۔انہوں نے کہا کہ بھارت مسئلہ کشمیر کے حوالے سے دنیا کو گمراہ کرنے کی کوششیں کر رہا ہے مگر اسے اس میں ناکامی ہو گی ۔انہوں نے شہدا کشمیر کو شاندار الفاظ میں خراج عقیدت پیش کیا ۔انہوں نے عالمی برادری سے مطالبہ کیا کہ وہ اسیر حریت رہنمائوں کو آزاد کروانے میں اپنا کردار ادا کرے اور بھارتی فوج کو مقبوضہ کشمیر میں انسانی حقوق کی خلاف ورزیوں سے روکے ۔