دل بعض و حسد سے رنجور نہ کر
یہ نور خدا ہے اس سے بے نور نہ کر
مظفرآباد 18اپریل2022( کشیر رپورٹ)سابق وزیراعظم آزاد حکومت ریاست جموں کشمیر و سابق صدر مسلم لیگ ن آزاد جموں وکشمیر راجہ محمد فاروق حیدر خان نے کہا ہے کہ پی ٹی آئی نے آزادکشمیر کی سیاست کو گندا کر کے رکھ دیا ہے، آج آزادکشمیر کی تاریخ کا سیاہ ترین دن ہے، پتہ نہیں عمرن خان نے کشمیریوں سے کس چیز کا بدلہ لیا ہے پہلے مختلف الخیال لوگوں کو جمع کر کے PTIبنائی گئی پھر ایک ایسے آدمی کو مسلط کر دیا ہے جس کے ساتھ کوئی ایک آدمی بھی نہیں تھا، اب ایک نئے صاحب آ گئے جن کا سیاست سے کوئی تعلق نہیں ہے،1968 کے انتخابات میں ہماری سیاست نیچے گئی تھی، اس کے بعد آج ہم اس سے بھی نیچے چلے گئے ہیں، آزادکشمیر کے لوگوں کو کہتا ہوں کہ ہماری عزت و غیرت کا امتحان ہے، پہلے ایک ایسے شخص کو وزیراعظم بنایا گیا جسے کوئی جانتا نہیں تھا اب جس کو بنایا جارہا ہے اس کا میرٹ سب جانتے ہیں۔